- సూపర్ స్టార్ రజనీకాంత్ రిటైర్మెంట్ వార్తలపై ఊహాగానాలు, స్పందించిన రజనీ భార్య లత
సూపర్ స్టార్ రజనీకాంత్ సినిమాలకు గుడ్‌బై చెప్పనున్నారన్న ఊహాగానాలు తమిళ సినీ వర్గాల్లో జోరుగా చర్చకు వస్తున్నాయి. ప్రస్తుతం ‘కూలీ’, ‘జైలర్ 2’ వంటి భారీ ప్రాజెక్టులతో బిజీగా ఉన్న తరుణంలో, ఇలాంటి వార్తలు మరింత ఆసక్తికరంగా మారాయి.
తమిళ పరిశ్రమలో రజనీకాంత్‌కు ఉన్న పాపులారిటీ గురించి ప్రత్యేకంగా చెప్పాల్సిన అవసరం లేదు. ప్రస్తుతం ఆయన లోకేశ్ కనగరాజ్ దర్శకత్వంలో తెరకెక్కుతున్న ‘కూలీ’ చిత్రంలో నటిస్తున్నారు. సమాచారం ప్రకారం, ఈ సినిమా షూటింగ్ చివరి దశలోకి చేరింది, అలాగే రజనీకాంత్ తన పాత్రను ఇప్పటికే పూర్తి చేశారట. మరోవైపు, నెల్సన్ దిలీప్‌కుమార్ దర్శకత్వంలో రాబోతున్న ‘జైలర్ 2’ కోసం కూడా ఆయన షూటింగ్‌లో పాల్గొంటున్నారు.
ఇలాంటి పరిస్థితుల్లోనే రజనీకాంత్ త్వరలో నటనకు వీడ్కోలు పలకనున్నారన్న ప్రచారాలు చర్చనీయాంశమయ్యాయి. ఈ వార్తలు ఆయన అభిమానుల్లో గందరగోళాన్ని కలిగిస్తున్నాయి. ఈ నేపథ్యంలో, రజనీకాంత్ సతీమణి లత రజనీకాంత్ తాజాగా స్పందించారు.
ఓ ఇంటర్వ్యూలో భాగంగా, “మీ భర్త సినిమాల నుంచి విరమించాలనే ఆలోచనలో ఉన్నారా?” అనే ప్రశ్నకు లత రజనీకాంత్, “ఆ ప్రశ్నకు సమాధానం తెలిస్తే మీకు తప్పకుండా చెప్పేదాన్ని. కానీ నాకూ తెలియదు” అని స్పందించారు. ఆమె ఇలా ప్రత్యక్షంగా సమాధానం ఇవ్వకపోవడంతో, రజనీకాంత్ భవిష్యత్తు ప్రణాళికలపై అనిశ్చితి కొనసాగుతోంది.
Read : Vijay Deverakonda: ఆ వివాదంపై క్లారిటీ.. ప్రెస్‌నోట్ రిలీజ్ చేసిన విజ‌య్ దేవ‌ర‌కొండ
